BİZ ARGENTİNANIN ŞİMALINDAN CƏNUBUNA, ENİNƏ VƏ UZUNUNA VƏ BÜTÜN İSTİQAMƏTLƏRDƏ MİNLƏRLƏ MİL QƏT ETMİŞİK.

RENO PUARYE, CHANDON ARGENTINA'S-IN İLK BAŞ ŞƏRABÇISI

YARDILMASINDAN ONİLLİKLƏR KEÇMƏSİNƏ BAXMAYARAQ, BU GÜN DƏ CHANDON ARGENTİNA ŞƏRAB ZAVODUNA GƏLDİKDƏ, BAXIŞLARIMIZ YENƏ DƏ DAĞLARA DOĞRU YÖNƏLİR.

Robert-Jan de Vok və Reno Poryenin ən yaxşı terruar axtarışları epik səyahətə çevrildi. Nəhayət, qəhrəman 2CV avtomobili onları Luxan de Kuyo yaxınlığında, 1000 metr yüksəklikdəki Arqelo adlı yerə gətirib çıxardı: onların arzuladıqları yüksəklik və saf torpaq olan məkana. Bu yerin unikal mövqeyi və sərt iqlimi onları çox sevindirdi. Heç bir infrastrukturdan söhbət belə gedə bilməzdi. Yerin dərinliklərində yaxşı su vardı, lakin onun səthi quraq idi. Onlar isti yay və soyuq qış gecələrini əvvəlcə taxta baraklarda və ya çox güman ki, avtomobildə keçirməli oldular. Heç bir şərait, hətta duş belə yox idi. Amma bu yer mükəmməl idi.

1959-cu ildə burada oynaq şərab hazırlamağa kim cəsarət edə bilərdi? Əlbəttə ki, Şandon. Robert-Jan de Vokun dostu və Bernard de Laduzettin bacısı oğlu. O, Argentinanı çox yaxşı tanıyırdı və Landuzettin biznesin idarə edilməsinə köklənmiş bu yerdəki gözləri və qulaqlarına çevrildi. Reno Porye, daha sonra isə, onun tələbəsi Filipp Kulon üzümlə öz möcüzələrini yaradırdılar.

Amma Chandon pionerləri bu gün burada dayanmış olsaydılar, bu yerləri tanımaya bilərdilər.

1950-ci illərdə alınan ilk üzümlüklər Mendozadan 30 km cənubda, təxminən 1000 m yüksəklikdə yerləşən Aqreloda idi ki, bu da həmin dövr üçün qeyri-adi idi. Adi qumlu zəmini, And dağlarının yamaclarında eroziyaya uğramış, minerallarla zəngin çınqıl daşlarından ibarət dərin lay qatı olan müstəsna drenajlı üzümlüklərimiz var. 1990-cı illərdə tətbiq edilmiş innovasiya - ehmallı damcılı suvarma üsulundan istifadə sayəsində üzümçülərimiz yay mövsümündə məhsuldarlığa və boy atma gücünə nəzarəti diqqətlə həyata keçirərək, şəkər, turşu və fenolların əla cəmləşməsinə malik olan kiçik giləmeyvələri istehsal edə bilirlər.

TERRUARLAR VƏ ÜZÜMLÜKLƏR

Hazırda malikanə 400 hektarlıq ərazini əhatə edən və 980 ilə 1700 metr arasında dəyişən hündürlükdə yerləşən üç əsas üzümlüyə malikdir. Belə başgicəlləndirici yüksəkliklər digər şərabçılıq ölkələri üçün ifrat hesab edilə bilərdi.

İlk günlərdən daha hündür yerlərə qalxmağa davam etdik. 1990-cı ildə Uko vadisindəki Tupunqato bölgəsinin Qualtallari rayonunda 1250 m hündürlükdə üzümlüklər əkdik, 2005-ci ildə isə, elə Tupunqatoda 1550 m hündürlükdə yerləşən El Perala qalxdıq. Argentinanın ən yüksək zirvələrindən biri olan Tupunqato dağının ətəyində yerləşən Kaykayen və Sepas del Plata üzümlükləri sıx günəş işığının təsirindən və soyuq gecələrdən faydalanırlar. Keyfiyyətimizin sirri məhz bu gündəlik temperatur diapazonundadır. Bölgədə rastlanan daşlı, sərbəst drenajlı allüviallı torpaqlar eyni səbəbdən üzümçülük üçün əla seçimdir: zəmində suyun yoxluğu tənəkləri gücləndirir, yaşama qabiliyyətini və məhsuldarlığı azaldaraq, onları kiçik, zənginləşdirilmiş giləmeyvələr verməyə məcbur edir.

Nəhayət, 2015-ci ildə, yenə də Qualtallaridə, El Spinilyoda üzüm əkdik, lakin bu dəfə 1625 m yüksəklikdə. Bu, Mendozadakı üzümçülüyün ən son həddinə yaxınlaşır. Burada qum və əhəngdaşı təbəqələrinin nüfuz etdiyi yoxsul daşlı və allüviallı torpaqlar Mendozanın digər regional şərablarından fərqlənən yüksək qatılıqlı, mineral şərablar istehsal etməyə imkan verir. Biz əsasən bu ərazidə oynaq şərab istehsalı üçün ideal növlər olan Şardone və Pino Nuar yetişdiririk. Bunlar, şübhəsiz ki, müvafiq olaraq 800 və 400 hektarlıq ən böyük üzümlüklərimizdir. Buna bir az Semillon və Pti Mansenq və bir az da, bizim qızılgül küvemizdə istifadə olunan Malbeki əlavə edək.

DIEQO RİBBERT

Şərabçı ilə tanış olun

“Mən Chandon Argentinada 2004-cü ildən müxtəlif vəzifələrdə çalışıram. Avropada müxtəlif şərab zavodlarında işləmişəm, amma 2019-cu ildə Argentinaya qayıtdım və direktor-enoloq oldum.

Mən Mendozalıyam - mən burada doğulmuşam - ona görə də bu torpağı həqiqətən yaxşı anlayıram. Bura çox xoşuma gəlir. Buradakı şərtlər unikal və çox özəldir. Planetin başqa heç bir yerində belə bir şey yoxdur. Bu, ekstremal iqlim, səhradır. Bu iqlimi mülayimləşdirmək üçün yaxınlıqda su hövzələri belə yoxdur.

Ancaq bizdə olan bir şey var ki, o da bir möcüzədir - təbiət xariqəsi olan möhtəşəm And dağları. Onlar bizimlə Sakit Okean arasındakı 7000 metrlik bir maneədirlər, ona görə də biz yağmurlu kölgədə yerləşirik. Üzüm tənəkləri su çatışmazlığı olanda inkişaf edirlər. Onlar həm də yaxşı uyğunlaşa bilən dözümlü bitkilərdir. Ancaq giləmeyvələrə bir az su lazımdır. Bütün suyumuz isə, Andın qar suyudur. Bizim şəraitimiz şərabımıza xüsusi keyfiyyət verir.
Siz qeydşərtsiz, saf ifadəli şərablar əldə edirsiniz.
Üzümə yetişmək üçün vaxt gərəkdir, lakin o bunu ən təhlükəsiz şəraitdə edir və ətrin heyrətamiz saflığına sahib olur. Nəticədə, biz həqiqətən zərif üslub və hər bir üzüm sortunun ən autentik ifadəsini əldə edirik.
Biz müxtəlif hündürlüklərdə, müxtəlif üzümlüklərdə az sayda Pti Mansenq və Malbek ilə Şardone və Pino Nuar yetişdiririk.

“BURADA MENDOZADA, BİZİM YERLƏŞDİYİMİZ HÜNDÜRLÜKDƏKİ SƏHRA ŞƏRAİTİNDƏ, SİTRUS QOXULARI VƏ ÇOX YÜKSƏK TURŞULUQ ÜSTÜNLÜK TƏŞKİL EDİR. NƏTİCƏDƏ, BİZ HƏQİQƏTƏN ZƏRİF ÜSLUBU VƏ HƏR ÜZÜM SORTUNUN ÇOX AUTENTİK İFADƏSINI ALDIQ”.